May 24, 2024

Hpakan ah a um mi SAC ralkap sakhaan 2 KIA le PDF phufonh nih an kah hna, SAC ralkap a thi mi an tam, hriam cheukhat zong an lak khawh

0

The Chinland Post | 2023 January 27 — Kachin ram, Hpakan peng chung ah a um mi SAC ralkap sakhaan 2 cu KIA le PDF phufonh nih an kah hna i SAC ralkap a thi mi an tam, hriam cheukhat zong an lak khawh tiah theih a si.

January 26 zinglei sml 4:35am hrawng ah Hapakan peng, Tamakhan,Sezin khua hna ah SNA le SAC ralkap fonh in hmunhma an khuarnak SAC ralkap sakhaan cu KIA Brigade 9, Battalion 26 nih an kah hna i SAC ralkap pawl an hriam kaltak in an zaam tiah theih a si.

Kahdohnak chung ah SAC ralkap hriam pawl telh in eidin zong an lak piak hna i SAC ralkap a thi mi zong an um tiah theih a si.

Cubantuk in January 27 zinglei ah Hpakan peng, Kamaing khua ah SAC ralkap pawl hmunhma an khuarnak sakhaan le Namsai sakhaan cu KIA Brigade 9 Battalion 44 nih an kah hna.

Kahdohnak ruang ah SAC ralkap a thi mi an tam tiah thawng theih a si.

About The Author

Na ruahning rak langhter ve.. (Leave a comment)

%d bloggers like this: