Wetlet khuachung kahdohnak ah SAC ralkap 15 an thi, PDF 6 an nunnak a liam i PDF 2 an tlaih hna
The Chinland Post | 2023 January 27 — Sagaing ramṭhen, Wetlet khuachung ah ni 7 chung kahdohnak a chuak i SAC ralkap 15 an thi, PDF 6 an nunnak a liam, 2 an tlaih hna tiah People’s Army to Fight Dictatorship -PADF sin in thawng theih a si.
Wetlet khuachung ah a um mi SAC kuttang zung le SAC ralkap hmunhma an khuarnak pawl mipi hriamtlai phu nih an kah hna hi a si.
January 20-26 tiang Wetlet khuachung ah a um mi SAC kuttang zung pawl le a pawngkam i SAC ralkap an cawlcanghnak hmun pawl kha PDF phu pawl nih an kah hna i Wetlet peng, Irrigation (ဆည်မြောင်း) zung pakhat an lak i Laptop 2 zong an lak khawh tiah theih a si.
Wetlet peng ah SAC ralkap 50 hrawng khuapi le khuate karlak ah an i chawk lengmang i zarhkhat chung kahdohnak ah SAC ralkap 15 an thi, 5 nak tlawm lo an i hliam.
Mipi hriamtlai lei in PDF 6 an nunak a liam i 2 an tlaih hna, 2 an i hliam tiah theih a si.
About The Author
