Hpakan ah KIO kum 62 tlin lawmhnak puai an tuah lioah SAC ralkap nih vanlei in bom a thlak caah a thimi le hliamtuar minung 50 leng an si
The Chinland Post | 2022 October 24 – Kachin ram, Hpakan ah October 23 zaan ah KIO kum 62 tlin conglawmh hlasaknak an tuah lioah SAC ralkap nih vanlei in bom a thlak caah a thimi le hliam a tuarmi hlasathiam le mipi 50 leng an um tiah Kachin thawngzamh pawl nih an langhter.
October 23 zaan sml 8:40pm hrawngah SAC ralkap nih Jet vanlawng pawl in KIO kum 62 tlin conglawmh hlasaknak an tuahnak hmunhma ah bom a thlak caah Kachin hlasathiam cheukhat an nunnak a liam tiah thawng theih a si.
“Hpakan Brigade 9 hmunhma ah hasaknak an tuah i mipi lawng si loin KIO cheukhat zong an i hliam, a hliam mi le a thi mi zapi 50 leng an si tiah kan theih” tiah Kachin ram thawngzamh nih an langhter.
SAC ralkap nih bom thlak hnawh ruangah Kachin hlasathiam Aurali hla a sak lioah a hmun ah a nunnak a liam, Kachin Artist phu haotu hlun lengcang Lahtaw Zau Ding zong aa hliam tiah theih a si.
About The Author
