Hriamtlai Buainak Ruang Ah Kachin Le Shan Ram Ah Ralzaam Singkhat Renglo An Um

City Hunter| 2018 Tho 8| Hriamtlai buainak (conflict) ruang ah Kachin ramkulh le Shan ramkulh ah inn le lo a zaamtakmi ralzaam singkhat (100,000) renglo an um tiah UNOCHA zung nih an thanhmi cazin ning in theih a si.

2011 kum in a hung cang thanmi hriamtlai buaibainak ruang ah kum 7 chung Kachin ramkulh le Shan ramkulh ah ralzaam 107,000 tluk an karh. Hriamtlai phu buaibainak ruang ah zatlang mizapi nih fakpi in harnak an tuar.

Kachin ramkulh chung hriamtlai buaibainak ruang ah harnak a tongmi khuami hna cu ramkip red cross committee nih bawmhchanhnak kan tuah i minung 4000 renglo caah facang le vitamen pawl kan phawtzamh hna tiah ramkip red cross committee nih October 7 ah an thanh.

Acozah ralkap le KIA i tukdohnak cu 2011 kum ah a hun cang than hnu ah nihin tiang i kahdohnak a um peng rih. Cu pin ah Shan ramkulh chung zong ah TNLA, SSPP, RCSS tibantuk phu le cozah ralkap i kahdohnak pawl zong a um peng rih.

Remdaihnak, humhimnak kongkau a um lo, UNOCHA bawmhchanhnak kham in ri an khiah ruang ah ralzaam pawl bawmhchanhnak ding harnak tampi kan tong tiah UNOCHA zung nih a chim.
Ref: Mizzima News

Na ruahning rak langhter ve.. (Leave a comment)

%d bloggers like this: