Hriamtlai Phu Hna Kahdohnak Ngol Dingin Tuluk Nih A Nawl Hna

0

TCP-Thantlang| 2018 May 20| Kawlram chung ral dohnak kongah a rannak ngol dingin Tuluk humhimnak vengtu lutlai pakhat nih a nawl hna. Hriamtlai phu i kahdohnak ngol i nan hriamnam nan chiah cang awk a si tiah a chim.

Tuan deuh Kawlram chung ral tuknak ruangah Tuluk rammi minung 3 an thih hnu ah a tu bantuk in Tuluk humhimnak vengtu lutlai pakhat nih a chim hi a si. Kawlram raltuk nak ruangah Bomb thluanthum le kuan fang tamlak te Tuluk ram chungah a rak tla tiah Tuluk humhimnak vengtu hna nih cathanh an chuahmi ah an telh tiah Weibo Online thawngthanh ca pakhat nih a tial.

Hi an cathanhmi chung ah Tuluk-Myanmar ramri ah Tuluk nih humhimnak vengtu hna ralkap zong ngiathlaitu ah tampi a chiah chap hna. Aluan cia April 18 lio ah Tuluk-Asian hi hawikomhnak i palai (kuzale) pakhat zong Kawlram chung buaibainak kongah hriamtlai phu hna ton ding le remdaihnak kong chimding in Ko-min khua ah an rak sawm bal tiah theih a si.
Ref: RFA

About The Author

Na ruahning rak langhter ve.. (Leave a comment)

%d bloggers like this: