Hriamtlaih dothlennak hi SAC nih a hrawk kho lai lo tiah US Ambassador nih a chim
The Chinland Post | 2022 June 13 – SAC phu nih hriamtlaih in dothlennak a tuahtu phu pawl a hrawk kho bal hna lai lo, Democracy lam cungah a kal ṭhan awk a si tiah U.S Ambassador pakhat nih a chimnak kong June 13 Reuters ah an langhter.
SAC phu hi sunghnak nganpi a tong, a ngeihmi hmunhma pawl zong a sung dih, ṭha tein kan ruah a si ahcun a dohtu phu pawl hi a tei kho hna lai lo tiah U.S State Department ruahnak cheutu Derek Chollet nih Thai ram, Bangkok khua thawnglatu pawl sin ah June 11 ah a chim tiah Reuters ah langhter a si.
SAC cu ramdang lawng si loin ramchung zongah pheu a tong i, a lileng, kahdohnak dihter in Democracy lam cungah a kal ṭhan ding a si cang tiah Derek Chollet nih a chim.
Myanmar ram buainak tawlrel khawhnak ding caah China hi a biapi mi ah a tel ve tiah U.S Ambassador Derek Chollet nih a chim.
About The Author
