Hseni kahdohnak ah SAC ralkap 30 leng an thi tiah MNDAA nih a thanh
The Chinland Post | 2023 January 16 – Shan ram chaklei, Hseni pengkomh ah MNDAA le SAC ralkap karlak ah kahdohnak a chuak i January 13 ni kahdohnak chung ah SAC ralkap 30 leng an thi tiah MNDAA nih a thanh.
Hseni pengkomh ah MNDAA le SAC ralkap hna cu January 13 le January 14 ah kahdohnak a chuak tiah an langhter hi a si.
“January 13 ah a chuak mi kahdohnak chung ah SAC ralkap 30 leng an thi i January 14 chun sml 1:00pm ah SAC mizaw phor mawṭaw pawl kahdohnak hmunhma ah voi tampi an i raa i ruak le hliam a tuar mi pawl an phorh hna” tiah MNDAA nih a thanh.
January 14 zong ah zinglei sml 11:30am in kahdohnak aa thawk sml 2 chung kahdohnak a chuak tiah an langhter.
January 13 kahdohnak ah MNDAA lei in hriamtlai 1 a nunnak a liam i hliam a tuar mi cheukhat zong an um tiah theihternak an tuah.
About The Author
