Khua a khang mi SAC ralkap pawl a naih tein an kah hna, 7 an thi
The Chinland Post | 2023 January 16 – Sagaing ramṭhen, Salingyi peng chung ah mipi inn a khang i a rak kir mi SAC ralkap pawl cu a naih tein an kah hna i SAC ralkap 7 an thi, hliam a tuar mi zong an tam tiah Chindwin Attack Force nih January 15 ah a thanh.
January 12 zaanlei sml 5:30pm hrawng ah Salingyi peng, Phaungkatha khua le Kai khua a khang i a rak chuak mi SAC ralkap pawl an kah hna hi a si.
Kahdohnak chung ah mipi hriamtlai phufonh lei in 1 aa hliam tiah theih a si.
Kahdohnak chung ah Chindwin Attack Force B04, Monywa The Boys B04, B05, Teachers People Defense Force, Lightning People Defense Force, Salingyi Revolution Army, Chindwin Defense Force, Fight For Freedom, DMSA le adang cuka hmunhma an i bawm tiah an langhter.
About The Author
