Hsihseng Ah Ralkap le PNLA Karlak Ah Kahdohnak A Chuak
The Chinland Post | 2024 February 13 — Shan ram thlanglei, Hsihseng khua ah a lut mi ralkap, pyithusit le PNLA karlak ah kahdohnak a chuak tiah theih a si.
PNLA cathanh ning ah kahdohnak chung ah ralkap lei 8 nak tlawm lo an thi i meithal zuun 2, mawṭaw 1 le kuanzen pawl an lak khawh tiah theih a si.
February 12 ah Hsihseng peng chaklei ah himnak a la mi PNLA ralkap pawl kha SAC ralkap le Pyithusit pawl nih Sniper, Drone, hriamngan, hriamhme pawl in an kah hna caah PNLA he kahdohnak a chuah hi a si tiah cathanh ah an langhter.
Kahdohnak a chuah hnu in SAC le Pyithusit pawl an zaam i lam thluangthluan a um mi khuate pawl ah hriamngan an kah caah khuami cheukhat thinphang in an zaam tiah PNLA nih an chim.
About The Author
