Indaw peng kahdohnak ah SAC ralkap a tlawmbik 8 an thi
The Chinland Post | 2022 September 21 – Sagaing ramṭhen, Indaw peng, Nanma khua kahdohnak ah SAC lei in a tlawmbik 8 an thi i an ruak pawl duh poah in an phum hna tiah Indaw Revolution nih September 20 ah a thanh.
Nanma khua ah thazang 70 hrawng SAC ralkap pawl cu KIA, PDF le siahngakchia phu hna nih September 18-19 ah voihnih an kah hna tiah theih a si.
Kahdohnak chungah SAC ralkap a tlawmbik 8 an thi i tampi an i hliam tiah an thanh. Hriamtlai phufonh lei in PDF chungtel 1 a nunnak a liam tiah theih a si.
Kahdohnak chungah a sungmi SAC ralkap pawl cu Indaw khua ah an kir ṭhan tiah theih a si.
About The Author
