Kahdohnak ruangah Maungdaw peng khua 12 an tap

The Chinland Post | 2022 September 6 – Rakhine ram, Maungdaw peng ah SAC ralkap le AA karlak ah kahdohnak a fak i SAC ralkap nih phih ruangah khuate 12 in khuami pawl dinei awk an ngei ti lo i bawmhnak an herh tiah theih a si.

Khamaungseik lei ah SAC ralkap le AA karlak ah kahdohnak aa thok ni August 16 thok in khoika hmanh kal a ngah lo caah atulio hi eidin a dih thluahmah tiah theih a si.

Khuate 12 in mipi pawl an tap i Distance a phi ding siahngakchia, lahkhah a thoh ding zung rianṭuantu pawl zong kalnak nawl an ngeih lo bantuk in khuami hna zong chuah an i tim ko nain SAC ralkap nih Khamaungseik in a kham hna.

Khuami hna cu a leng chuak ngam loin phungki sianginn ah an i dor i vanlawng le bom thawng theih ti lo hnu ah mah le inn cio ṭin a si, dawr 4/5 a um ko nain cu dawr i eidin le thilri zeihmanh a um ti lo.

Rakhine ram ah AA le SAC ralkap karlak ah kahdohnak a fak i August thlachung kahdohnak ah SAC ralkap 66 an thi tiah AA nih August 31 ah a rak thanh.

Na ruahning rak langhter ve.. (Leave a comment)

%d bloggers like this: