Kaladan Hlei Tukum March Thla Dih Lei Ah Rian An Dih Cang Lai

0

Kaladan Hlei/IPRD Paletwa

Salai Elvis|2020 January 29| Chin ramkulh Mindat pengkomh, Paletwa ah sak lio mi India he pehtlaihnak Kaladan hlei pi cu 2020 (tukum) March thla dih lei ah rianlim ding in tuanvo ngeitu nih timhtuahnak an ngei.

Hi hlei cu Chin ram chung ah a lian bik le a sau bik hlei pakhat zong a si i Paletwa-Matupi pehtlaihnak lam cung ah a um mi zong a si. Hi hlei cu sakremhnak zung hlei kongkau tuanvo la tu No.1 phu nih tuanvo lak in an sak mi hlei a si.

Hi hlei cu 2017-2018 kum ramkomh cozah budget 27,000 billion dih in sak mi a si i a sau 592 meter (pe 1942) a vang 9.5 meter le motor kalnak 7.5 meter tluka  kau i minung kalnak zong khat lei veve ah 1-meter tluk a kau mi a si. Hi hlei nih a rih zan a tuarh khawh zat cu  Hs-25 lond Class tiang a si.Hi hlei an tuahnak thawngin pehtlaihnak lam le sul a that lai pinah Paletw-Matupi, Hakha-Mandalay-Yangon pin ah ramchung dihlak pehtlaih dih khawh a si lai i Ngandamnak, Fimcawnnak, sipuazi lei tiang thanchonak le hlawknak tampi a chuahpi lai tiah ruahchannak ngeih a si. (Ref: iprd Paletwa)+++

About The Author

Na ruahning rak langhter ve.. (Leave a comment)

%d bloggers like this: