May 21, 2024

Kalay Ah Tar Zohkhenhnak Hmun An Sakmi 80% Lim Cang

0

TCP-Online| 2018 March 27| Kalay khuachung ah a voi khatnak bik tar zohkhenhnak inn hmun an sakmi cu 80% lim a si cang tiah tar zohkhennak innhmun saknak i Committee chungtuan U Khin Maung Shwe nih a chim.

Zohkhenhtu ngei ti lomi tar pawl caah an sakmi hmun a si i atu ah pitar/putar minung 30 leng an zoh cuahmah lio hna.

Mah tar zohkhenhnak inn hmun cu 2018 kum chung hrim ah lim ding in sak timh a si ti zong U Khin Maung Shwe nih cun a chim.

“Tuah 80% kan lim cang. Tukum chungah cun kan lim khawh hrim ko lai. Mah kan saknak a ruang hi Chindwin tiva in a cunglei ummi hmun ah tar zohkhenhnak a um rih lo. Kum upa cangmi, zohkhenhtu ngei lo pitar/putar tampi an um. Cucaah, mah tar zohkhennak hmun cu tuah lo awk tha lomi a si caah kan tuahmi a si.”

Kalay khuachung tar zohkhennak hmun saknak ding caah hin a hram pakhat hmanh um loin an rak thokmi a si. Khuachung minung hna nih tangkaa in an bawmh hna i Kyats.85752000 a chuak. Cu tangkaa cun inn hmun le inn cu an sak chommi zong a si. Bawmh a duhmi zong nih Committee sin ah tangkaa va pek khawh a si peng ti kan theih.

Ref: The Voice

About The Author

Na ruahning rak langhter ve.. (Leave a comment)

%d bloggers like this: