Kawl Titoih Puai (Thingyan) Chungah Kalay-Mandalay-Yangon Motor Pawl Caan Hmaan Tein A Kal Lai

TCP-Online| 2018 March 18| Tukum a ralaimi April thla Kawl titoih puai (Thingyan) chung ah Kalay in Mandalay, Yangon le Chin ramkulh lei kalmi motor hna cu din lo in caan hmaante in a kal lai tiah Kalay motor Gate lei tuanvo latu hna nih an chim.

“Kalay cu Chin ramkulh le Yangon, Mandalay kalnak khua lai a si caah Thingyan chung ah hin motor kal lo dingin kham awk a tha lo. Cucaah tubantuk in kan tawlrel hi a si” tiah Kalay motor gate committee lutlai U Soe Win nih a chim.

A liamcia kum hna ah khan cun Thingyan chung paoh cu motor kal lo dingin an rak kham nain tukum hi a voi khatnak an kham lo a si ti zong kan theih.

Kalay motor gate ah hin line (gate) 50 leng a um i nikhat ah Kalay in Chin ram le Yangon-Mandalay lei kalimi hi motor 100 leng peng an si tiah theih a si.

The Voice

Na ruahning rak langhter ve.. (Leave a comment)

%d bloggers like this: