Kalay In Chin Ramkulh Lei Ah SAC Ralkap Pawl An Luh Caah Kahdohnak A Fak Kho

0

The Chinland Post | 2023 March 7 — Sagaing ramṭhen, Kalaymyo in Chin ramkulh lei ah SAC ralkap pawl an luh caah kahdohnak a fak kho mi a si tiah PDF-Zoland nih a thanh.

SAC ralkap pawl cu Kalay-Taingen-Tedim lam hmang in an rat caah cuka lam ah kahdohnak a chuak kho peng mi a si tiah PDF-Zoland nih ralrinnak a thanh.

Cucaah mipi hna nih cuka lam hman rih lo ding le ramlak kal rih lo ding tiah theihternak an tuah.

“SAC ralkap pawl cu ke in an rak kai. Khualtlawng mipi hna nih ralring deuh in kan umkal a herh” tiah PDF-Zoland rianngeitu nih People’s Spring ah a chim.

SAC ralkap pawl nih Chin ramkulh chung an luh hi 2022 Fur dih lei kha a hnu bik a si i, atu hi caan saupi hnu ah a voikhatnak an rak luh ṭhan a si.

Tutan a rak kai mi SAC ralkap pawl hi Tedim khua lei panh in kal ding an lo tiah PDF – Zoland upa pakhat nih a ruahdamh.

About The Author

Na ruahning rak langhter ve.. (Leave a comment)

%d bloggers like this: