Kalay Khuachung Ah CCTV Camera Tampi Chiah Kho Dingin Palek Lei Nih Khuachung Bank Pawl Sin Bawmhnak An Hal

TCP-Online| 2018 February 11| Kalay khuachung zan deuh ah a cang tawnmi mi ivuaknak le mifir pawl hna ral ivennak ding humhimnak caah tiin Kalay peng Palek hna nih khuachung i Bank le Hotel a ngeimi sin ah bawmh an hal hna.

Bank a ngeimi le Hotel a ngeimi hna nih anmah le an umnak chung lawngah CCTV Camera ichiah loin lampi cung zong ah chia dih ding in palek hna nih cun an hal.

AYA Bank Manager U Aung Htay nih “Kalay khuachung hi a him lo ngai ko. Zan caan ah hin kanmah kan Bank hmai cio ah CCTV Camera le mei pawl zong 24hr vang in chiah ah a tha. Bank lawng zong si loin Hotel ngeitu hna zong nih an Hotel hmai cio ah chiah ve hna sehlaw a tha ngai lai. Khuachung humhimnak ca rian a si ko”.

Kalay khuachung ah hin a bikin zaan caan ah mi bu in vuak le lainawnnak, accident a phunphun a um pah lengmang tiah khuami hna zong nih an chim.

Ref:DVB

Na ruahning rak langhter ve.. (Leave a comment)

%d bloggers like this: