Kalay peng, chaklei Si khua palek sakhaan an kah, 3 an thi
The Chinland Post | 2022 December 12 – Sagaing ramṭhen, Kalay peng thlanglei, chaklei Si khua palek sakhaan ah hmunhma a khuar mi SAC ralkap pawl cu CDF-KKG nih an kah hna tiah theih a si.
December 10 kahdohnak chung ah SAC lei in a thi mi an um bantuk in hliam a tuar mi zong an um i CDF-KKG lei in aa hliam mi an um lo tiah rianngeitu nih DVB ah a chim.
“SAC ralkap le palek 3 an thi i 3 an i hliam, an sakhaan lei ah an phorh ṭhan hna. Sakhaan lei in bawmh awk ah a raa mi SAC ralkap pawl zong he 20 mins hrawng kan i kap chap” tiah a chim.
Kahdohnak a dih hnu zong ah CDF-KKG phu nih kanmah le hmunhma cio ah kahdohnak kan tuah rih lai tiah an thanh.
About The Author
