Kalay Peng Myattha Tiva A Khamtu Vawlei A Cimh Caah Chin Pa Pakhat Nunnak Liam

TCP-Online| 2018 March 8| Kalay peng Phaungku le Kyikung khua kar a ummi Myattha tiva a khamtu vawlei cu March 6 ni khan a cimh caah Chin pa pakhat nunnak liam i pakhat hlaimhma pu in an um ti kan theih.

“Myattha tiva khamnak ding rian kan tuan hna. Chun sml 1:15 ah thaithawh ei kan i tim. Tu a thimi pa hi a thilri (tuhhmui, thirfung) chiah ah a kal. A hei chiah pah cun a thilri he cun vawlei cu a hei hnur pah. Cu ah cun vawlei a cimh hi a si” tiah riantuan vemi pakhat nih a chim.

Kalay palek bawi pakhat Win Htun nih “Tu i a thimi hi Myohlah khua um Sian Uk Lian timi pa a si. A hnakhaw kap hnih in thi an chuak. Siizung zong phak manhpi hlan in a thimi a si” tiah a chim.

Tutan Myattha tiva khamtu ding an tuahmi cu, kum chiar nawn Kalay peng ti a lianh tawn caah mizapi kan himh khawhnak ding ca ti ruahchan in cozah Budget in an tuanmi rian a si.

Ref: DVB

Na ruahning rak langhter ve.. (Leave a comment)

%d bloggers like this: