Kalay Peng Myauksi Palek Sakhan Kahdohnak Ah Mipi Ralkap 3 An Nunnak A Liam
The Chinlandpost | November 4, 2023 — Kalay thlanglei Myauksii khua palek sakhan kahdohnak ah ralkap lei vanlawng kahdohnak in mipi ralkap 3 nih ram caah nunnak an pek tiah theih a si.
Sakhan kah lio ah mipi ralkap a thi mi si lo in sakhan lak hnu SAC vanlawng kahnak in an nunnak a liam mi an si. Myauksii palek sakhan kahdohnak hi November 3 in thawk a si i, November 4 zing ah sakhaan dihlak lak a si tiah CDF-KKG nih an chim.
Mipi ralkap ṭangṭi phu hna nih Myauksii palek sakhaan an lak hnu sml 1 hnu November 4 zing 9:00 am ah SAC jet fighter bom thlaknak in mipi ralkap lei CNDF-Salai Cung Te- kum 19, Rager Kalay Defence force –RKDF in Ko Min Khant Naing le Ko Ngyo Lun tiah mipi ralkap 3 nih ram le miphun caah nunnak an pek. Mipi ralkap 7 zong hliam tuar an um. Myauksii palek sakhan laknak ah SAC lei a thi mi, hliamtuar mi an um, meithal hriamnam lak mi an um i, cazin dihlak rel hnu ah thawng fiang thanh a si lai tiah mipi ralkap lei nih an chim.
Myauksii kahdohnak ah SAC lei nih November 3 ah Mi 35 Jet fighter in bom an thlak hi a si.Tutan Myauksii palek sakhan kahdohnak ah CDF-KKG, CNDF, RKDF le khuachung mipi ralkap tangti in an kah hna tiah theih a si.
About The Author
