Lashio Peng SAC Kuttang Um Jayang Pyituhsit Sakhan Kahdohnak Ah 38 An Tlaih, Meithal Zuun 78 Le Rithai Sii Tampi An Lak
The Chinlandpost | November 4, 2023 — Shan ramkulh, Lashio peng SAC kuttang um Jayang Pyituhsit sakhaan kahnak ah ralkap 38 an tlaih, meithal zuun 78 le rithai sii tampi kan lak tiah TNLA nih cathanh an chuah.
November 4 zing 5:30am ah Ta’ang ralkap PSLF/TNLA nih Lashio peng SAC kuttang um Jayang Pyituhsit sakhan an kah hna.
Jayang sakhan kahdohnak ah Pyitutsit 38 tlaih an si. Tlaih mi hna chung in sakhan uktu bawi Major U Kham Sai, zunguk bawi Major U Thawng Suai, sakhan um captain U Htu Aung le Sii ralbawi U Thawng Ju cu hremkhumh an si rih i, adang 34 cu an thlah cang hna tiah theih a si.
Jayang sakhan laknak ah meithal phuntling zuun 78, kuan phungtling bawm 43, kuan 218, walkie-talkie 21, yarmah sii bawm 39 leng kan tlaih tiah TNLA nih thawngthanhnak an tuah.
About The Author
