Kalay peng, Nanchaung khua biakinn le mipi inn SAC ralkap nih an khangh
![](https://i0.wp.com/thechinlandpost.info/wp-content/uploads/2022/12/Nanchaung-khua.jpg?fit=640%2C360&ssl=1)
The Chinland Post | 2022 December 14 – Sagaing ramṭhen, Kalay peng, Nanchaung khua ah SAC ralkap an lut i mipi in an khangh hnu ah Duwaichaung-Yazacu lamcung mawṭaw pawl umkal lo ding in PDF-Kalay nih December 13 ah a thanh.
Ralrin peknak zul lo in a umkal mi cu PDF-Kalay nih zeihmanh kan in tawlrel piak hna lai lo tiah a thanh.
December 12 zinglei ah SAC ralkap pawl Nanchaung khua ah an lut i Foursquare biakinn telh in mipi inn 19 an khangh tiah a thanh.
Nanchaung khua hi inn 190 hrawng an um mi milu 800 leng an umnak a si.
Kalay peng ah SAC ralkap nih mipi inn 2,000 leng a khangh cang tiah theih a si.