Hakha khua um SAC chungtel 4 hriam he CDF-Zophei sin ah CDM an tuah
The Chinland Post | 2022 December 15 – Chin ramkulh, Hakha khua hrambunh SAC LIB 266 ralkap le palek 4 cu CDF-Zophei sin ah CDM an tuah tiah thawng theih a si.
Hakha hrambunh SAC LIB 266 in ralkap 3 le Hakha palek sakhaan in palek 1 cu hriam, raltuknak thilri pawl le kuan he CDM an rak tuah tiah CDF-Zophei nih a thanh.
LIB 266 in ralkap Zin Ko Htet, Aung Phyo Min le Thet Naing Htun hna cu 2022 September thla ah Machine Gun zuun 2, Grenade 3, kuan 700 leng he CDM an rak tuah i Hakha palek sakhaan in palek Aung Htang zong G3 zuun 1, kuan 130 leng, kuan khamnak 1 le adang palek thilri pawl he 2022 November 15 ah CDM a rak tuah ve tiah a thanh.
CDM a rak tuah mi SAC ralkap 3 cu sing 150 laksawng an pek hna i palek Aung Htang zong sing 80 laksawng an pek tiah theih a si.
Cun CDM a tuah mi palek le ralkap pawl cu himnak hmun ah an kuat cang hna tiah CDF-Zophei nih a thanh.
About The Author
