July 25, 2024

Kalay Thlanglei Kahdohnak Ah SAC Ralkap Lei 8 An Thi

0

The Chinland Post | 2024 March 5 — Sagaing ramṭhen, Kalay peng thlanglei ah kahdohnak a fak i SAC ralkap 8 an thi, hriam pawl zong an lak khawh tiah NUG Ministry of Defense, No. 1 kahdohnak hmunhma nih March 4 ah thawng an thanh.

Kalay thlanglei, Htu-ma khua in a rak chuak mi IB 703 le pyusawhti fonh thazang 60 hrawng cu Htuma le Tayarkone khua karlak, Sat-ta-chauk ah PDF pawl nih March 2 ah an kah hna hi a si.

March 2 ah chunitlak kahdohnak a fak i zaanlei sang ah SAC ralkap pawl cu Htuma khua ah an kir ṭhan i hmunhma an khuar beh.

Kahdohnak chung ah SAC ralkap 8 an thi, 20 hrawng hliam an tuar. MA kuan 3,900 hrawng le kahdohnak thilri pawl an lak khawh tiah No. 1 kahdohnak hmunhma nih an thanh.

Kahdohnak chung ah Kalay pengkomh B02, B04, B05 le Vakok PDF, CDF-KKG phu hna an i bawm tiah theih a si.

Kalay le Chin ramkulh aa pehnak Taingen lam zong kahdohnak dirhmun ruang ah March 3 thawk in umkalnak tuah rih hlah u tiah CDF-CDM Siyin nih an thanh.

About The Author

Na ruahning rak langhter ve.. (Leave a comment)