Kalaymyo Ah November Thla Chung Accident Voi 161 A Um

Papi-TCP| 2017 December 17| Kalaymyo ah 2017, November thlachung accident voi 161an tong i a dang khuapi ah voi 15, a zapi in voi 176 an tong tiah theih asi.

Fakpi in khawndennak asi lomi ahmuh 136 a si. Fakpi in khawndennak ruang ah hma a pumi hi minung 37 an si. Kalay sii-innpi ah a thimi cu an um hraw lo. Hmundang kadang tu ah a thi mi hi pa 3 an um tiah Kalay sii-innpi in thlopbulnak lei tawlreltu zung nih cathanh an chuah.

Mah accident voi 176 chnung in i pah nak in a thimi le hma apumi hna cu motor circle le motor circle in voi 65, motor aa let mi voi 14, motor circle le motor aa pahmi voi 7, motor circle le minung i pahnak in voi 4, tungbing le minung i pahnak in voi 1, motor circle cung in a tlami voi 3, aa letmi voi 44, motor cung in a tlami voi 3, motor circle le uico i pahnak in voi 1, motor le minung i pahnak in voi 5, motor circle le cawleng i pahnak in voi 1, an si i a zapi fonh in voi 176 an si tiah theih chih a si.

Hi kong he pehtlai in Kalay Peng i aummi mizapi hna nih i khawndennak aum lo nakhnga lam zulhphung zong siseh amawngtu hna zong siseh dingrep te in an mawngh nakhnga zong siseh, motor circle an mawngh tikah ralring te an mawngh naklai mah le pawngkam i a ummi mizapi hna sin ah theihter hna usih tiah tuanvo ngeitu hna nih forhfialnak an tuah. +++

Leave a Commnet

%d bloggers like this: