Kalaymyo ah ZRA nih mipi pakhat meithal an hmuah i an tlaih
![](https://i0.wp.com/thechinlandpost.info/wp-content/uploads/2022/09/ZRA-nih-an-tlaihmi-pa-cycle_2022-September-1.jpg?fit=640%2C480&ssl=1)
The Chinland Post | 2022 September 2 – Kalaymyo, Tahan le Hmunlai sang karlak ah hmaikhuh aa huhmi ZRA phu nih September 1 zaanlei sml 3:00pm luan ah mipi pakhat meithal an hmuah i an tlaih tiah theih a si.
YCW private sianginn hnulei J Crown fusal chuihnak pawngah mipi thuam in cycle aa citmi minung 3 nih cycle an kham i phone an chawnh hnuah mawṭaw a raangmi pakhat a rak phan tiah theih a si.
“Zeiruangdah ZRA tiah kan chim khawh ti a si ahcun, mawṭaw a mawngtu hi Hmunlai ah a ummi ZRA chungtel Hosana Miang an si. A voikhatnak cu bia an ruah ko. Tlawmpal a rauh hnuah hmuikhuh aa huhmi minung 3,4 nih methal tawite in an hmuah i mawṭaw chungah an khumh. Tlaih a tongmi hi a hodah a si ti kan thei lo. Mawṭaw cu Bogyoke lam lei ah a rang tak in an mawngh” tiah khuami pakhat nih Zalen ah a chim.