Kalaymyo Bogyoke Aung San lam pawngah bom a puak i thil a zuarmi nu pakhat a thi
The Chinland Post | 2022 August 25 – Sagaing ramṭhen, Kalaymyo, Tahan sang, Bogyoke Aung San lam in Latpantaung khua lei ah a kalmi Tahan AG biakinn pawng August 24 zaanlei sml 5:00pm hrawngah bom voihnih a puak i kum 53 a simi Chinmi nu pakhat a thi tiah theih a si.
Bom puah ruangah Tahan bazaar ah tisik anhnah zuar in a paw aa cawmmi Pi Za Nei Thluai a thi i thil a zuar vemi adang nu pakhat zong a lu ah hma a pu tiah theih a si.
Bom a puahnak pawngkam ah thilzuarnak a tlaitu a um i August 25 zinglei zuar ding ah thilri pawl a va cawk lioah atu bantuk in bom nih a puah i a thihnak hi a si tiah khuami hna nih an chim.
About The Author
