Kalay peng ah PK (Traffic Police) pakhat kahthah a tong
The Chinland Post | 2022 August 25 – Kalaymyo, Thazin sang ah a ummi pengkomh palek zung hmai ah August 24 zinglei sml 7 hrawngah PK (Traffic Police) Aung Myint Maung cu meithal in kahthah a tong tiah thawng theih a si.
PK zung hmai dawr pakhat ah changreu a cawk hnu a kirlei ah PK Aung Myint Maung cu Bogyoke lam cungin a rak raami mawṭaw cungin meithal in an kah i a hmun ah a thi colh.
Pengkomh palek zung pawngah August 23 thokin SAC ralkap, palek le PK pawl fonh in cycle number aa bunh lomi pawl an tlaih hna i dan an tat hna hnu a thaizing ah atu bantuk in PK pa an kah hi a si.
About The Author
