Kalaymyo Chaklei Khawpuichip Khuami Salai Biakmuana Kum 27 Cu SAC Ralkap An Nih An Thah
The Chinland Post| January 25, 2024 — Kalaymyo chaklei Khawpuichip-Tinbawpinkuin khua um mi Chin mino Salai Biakmuna kum 27 cu January 24 ah an thah tiah theih a si.
Khawpuichip le Pyinkhonlay karlak, January 24 zanlei ah Mipi ralkap le SAC ralkap kahdohnak a chuah caah ralzaam ding in jhuachung ah thilri a va lak lio ah SAC ralkap nih Biakmuana cu an thah hi a si.
SAC ralkap cu Khawpuichip khua center pakhat ah tualchung mi pa 3 le pawngkam khuami 2tiah an dihlak minung 5 an tlaih hna i Kalaymyo hrambunh Regional Operation command- ROC (ဒ.က.စ) ah an kal pi hna hnu ah an phone an chuh hna i minung 5 cu tangka pek in an thlah than hna tiah khuami sin in theih a si. Kawlkulh- Khawpuichip –Aitawnna khua le Kalaymyo chaklei khua te tamdeuh cu Kalaymyo khuachung ah ralzaam in an um hna tiah theih a si.
Kalaymyo peng, Kawlkulh-Aih Suh khua le Khawpuichip – Tin Paw Pin Kuin khua karlak mipi hman mi donghhlei cu SAC ralkap nih January 23 ah JCB motor in voihnihnak an hrawhṭhan.
Mah Kawlkulh –Aitawna hlei hi kan hnu thla ah SAC ralkap nih an hrawh bal cang i, mipi nih an remh ṭhan mi a si.
Tahan in Dowinchaung-Thlanmual in Letpanchaung khua lei kalnak lam ah SAC ralkap nih hmun an lak caah mipi cheukhat cu atu an hrawh mi lam lei in an umkal tawn. Ralkap nih 9 mile gate an kham caah Kalaymyo chaklei khua in Tedim lei a um kal mi an tam caah mah Kawlkulh-Aitawna khua hlei in umkal kho hna hlah she tiwh an hrawh hramhram mi a si tiah theih a si.
About The Author
