Kalaymyo Khuachung Ah PDF Nih Rithai Sii A Zuartu An Tlaih
Salai Mangpau | July 13, 2023 |
Kalaymyo khuachung ah Mipi ralkap nih khuachung daihnak a umnak hnga PDF nih rian a ṭuan cuahmah lio ah Rithaisii a zuartu pakhat an tlaih tiah Kalaymyo peng Mipi Police nih thawngthanhnak an tuah.
July 12, 2023 Kalaymyo khuachung Tahan sang le Taungphila sang karlak ah PDF nih cheknak an tuah lio ah Motor cycle aa citmi pakhat nih Plastic a nak in fun mi MAMEE bawm chung um Rithaisii Saphiat dur 21, A rit 210 gram, Myanmar kyat sing 84 (84,000,000) man le phone Redmi pakhat, Circular motor cycle pakhat an tlaih.
Mah tlaihnak ah NUG, Immigration Ministry zung, Police battalion hruaimi, PDF Battaliion 5 phu hna komh in an tlaih tiah theih a si.
Mah tlaihnak ah aa tel mi phu hna cu Kalaymyo peng mipi uknak phu (Kalaymyo Administration) nih Kyat sangruk ( 600,000) laksawng an pek hna.
Mipi lei in atu bantuk Rithaisii tuah lo ding le Rithaisii atuah mi an um ti nan theih tik ah E-police Station MOHAI-NUG umnak pengkip mipi uknak bu sin le Mipi ralkap Facebook Page kip ah pehtlai in thawngpek khawh a si tiah thawngzamhnak a tuah.
About The Author
