Kalaymyo peng Phulmawi khua Sianginn Helicopter Kahnak ah mi 1 a thi, hliam 4 an pu
Salai Mangpau | June 6, 2023 – Kalaymyo peng Chaklei Phulmaw khua sianginn cu SAC ralhrang Helicopter nih June 5 zing 10:30 ah a kah. Khuami 1 a thi, Mi 4 nih hliam an tuar tiah theih a si.
Phulmawi khua sianginn ah khua upa pawl meeting an tuah lio ah ralhrang helicopter nih a kah hna tiah CNO Upper Chindwin Region nih a chim.
June 5, Zing 11:00 am, Kalaymyo chaklei Letpanchaung khuachung ah SAC ralhrang nih hriamngam (miakpi) in a kah i khuami hliampu an um tiah CNO-UCR nih a chim.
Phulmawi khua hi Kalaymyo in meng 18 ahlatnak khua a si. Yazakyu tikhamnak pawng ah a ummi Chin miphun umnak khua a si.
Nihin Kalaymyo peng chaklei (Nanchaung, Letpanchaung in Pyindawoo in chaklei khua) le tlanglei (Tharsii-Tayagone in tlanglei khua) ah kahdohnak a tam.
Ralkap lei in Vanlawng, Ke ralkap, GTU sianginn in miakpi, Battalion LIB (228) in miakpi, LIB (89)in miakpi, Taungphila tlangcung um miakpi le Kalaymyo hrambumh Miakpi ralkapphu (Artillery’s) in raldohnak a umnak khua lei ah an kah hna tiah theih a si.#
About The Author
