Kalaymyo Sanmyo Sang Stay At Home In Hnon A Si Cang

Salai Bawi Lian Sang|TCP-Kalay| October 13, 2020|. Kalaymyo pengchung ah covid-19 hrik ngei dihlak October 11 tiang ah minun(32) an rak si. October 12 ni ah Yangon-Mingaladon peng in a rak tlung mi Kalaymyo peng um, Indaikyi khua mi kum (21), Kum (25), Kum (27) nu (3) le Tinta khua pa (1) an dihlak minung(4) hi CBFQ a lut mi sin in hrik an hmuh hi a si.

October 12 tiang ah Covid -19 hrik an hmuhthar mi fonh in an dihlak (32) ah siizung a chuak miung (26) le Siizung a um mi(6) lawng  an si cang. Nihin October 12 ah Sanmyo hrik ngei(9) le Natchawng khua mi(1) dihlak minung(10) sii zung in an chuak.

Kalaymyo  khuachung  Sanmyo sang ah covid-19 hrik ngei(23) an hmuh hna caah September(29) in October (12) tiang Sanmyo sang Stay at Home ( semi Lockdown)  an erh hna. October 3 – 12 tiang ah Sanmyo sang ah zawknak hrik an hmuh ti lo caah a Sanmyo sang Stay At home cu October 12, 2020 ni zan lei 4:00 PM  cun hnom piak an si cang tiah thawng kan theih.Tahan Bazaar khar a si mi zong October 14,2020 ni on a si lai tiah thawng kan thei.

“Siizung in a chuak cang mi zong dam in an um cio  hna caah  ngamdamnak le Lentecelhnak minister zung nih rikhiah mi ni (11)  chung zawtnak hrik a lang ti lo ruangah siizung in an chuak khawh nak a si. Siizung in a chuak cang mi zong home Quarantine zarhkhat erh an si than dih .Kalaymyo peng ah a voihnihnak covid thli a thok than ruang ah covid-19 zawtnak ngei (28) chung in Sanmyo sang ah minung (23) hrik ngei an si” tiah Pi Siami nih cun a chim.

October 11, 2020  zan tiang ah Kalaymyo peng chung in Covid -19 pulral ruang ah Quarantine Center 19 a um cang. Khuchung Quarantine ah Kalay University, Siangsangrun No. (1), Siangsangrun No.(8), le Tida Ku Mit sizung(1), Nursing School(1) le Quarantine Facility(4) um. Ram dang tlungmi (96) ah pa(49) le Nu (47), Ramchung peng dang tlungmi(132) ah Pa(69) le Nu(64) an dihlak Quarantine lut mi(228)  an um.

October 12, 2020 zan tiang ah Myanmar pumpi ah covid hrik ngei mi (29,314), sizung in a tum mi (10,260) a thimi (664) an si. IPRD Kalay

Na ruahning rak langhter ve.. (Leave a comment)

%d bloggers like this: