Kalaymyo–Tamu-Kalay-Gangaw Khuate Pawngkam SAC Ralkap Hmun Tampi Ah Kahdohnak A Chuah
The Chinlandpost| November 3, 2023 — Asia highway lampi umnak Kalaymyo-Tamu-Khampat lei le Kalay-Gangaw lei SAC ralkap sakhaan cu mipi hriamtlai phu pawl nih November 3 zing ah kahdohnak an thawk cang tiah a si.
Khampat myoma palek sakhan le Wihthok ralkap sakhan cu November 3 zing sml 4:00am ah kahdohnak an thawk i zing sml 8:00am ah sakhaan an lak khawh. Yarzagyo tikhamnak lamton um SAC ralkap sakhaan zong an lak. Kalay-Gangaw lam kar Yangyiaung, Kabani hlei um SAC ralkap sakhaan cu zing sml 5:00am ah an kah hna. Cun, Kalay in Chinram lei kainak Tedim peng, Taingen SAC ralkap sakhaan zong an kah liopi a si. Kalay peng kahdohnak a um lio ah Kalay in Tamu-Kalay-Chinram khual lam zong khar chung a si rih tiah theih a si.
Kalaymyo peng sakhaan kahdohnak ah Kalaymyo peng nichuah lei, ni tlakchaklei khua hna le kahdoh a umnak hmun paoh ah SAC lei nih Jet fighter in bom a thlak.
Kalaymyo-Khampat-Tamu-Kalay-Gangaw Kahdohnak chung ah Mi 35, Jet Fighter vanlawng in kahdohnak a tuah tiah theih a si. Atutan Tamu-Khampat-Kalay Asia Highway lam kahdohnak ah PDF mipi ralkap, ABSDF, KIA le phu dang mipi ralkap pawl bawm in an kahdohnak an tuah mi hi operation 1027 a si ko tiah mipi hriamtlai lei nih The Chinland Post ah a chim.
About The Author
