Monywa Khuachung SAC Ralkap Nih Hmuhnma An Khuarnak An Kah Hna
The Chinland Post | 2023 November 3 — Sagaing ramṭhen, Monywa khua lam cung, Nyaungbinthayar sang ah hmunhma a khuar mi SAC ralkap pawl an kah hna tiah Monywa pengkomh Battalion 4 Chindwin Attack Force nih thawng a thanh.
November 1 zaanlei sml 3:45pm ah Monywa khua, Nyaungbinthayar sang ah hmunhma a khuar mi SAC ralkap pawl an kah hna i sml cheu hrawng kahdohnak chung ah ralkap tampi an thi tiah theih a si.
RPG in an kah hna caah ralkap pawl an i thuhnak buk a rawk i Ma-u gate lei in Tank 3 bawmtu an rak thlah caah sakhaan la kho lo in an kir ṭhan tiah an thanh.
Kahdohnak ah a sung tuk mi ralkap pawl nih kahdoh a chuahnak a pawngkam khuate pawl an khangh tiah an langhter fawn.
Kahdohnak chung ah Chindwin Attack Force, Monywa The Boys, Spring Dove PDF, Monywa Knightking PDF, Monywa Special, Monywa PDO, 5/UG Task Force, Monywa Commando Force, Unity Force, SRDF hna an i bawm tiah theih a si.
About The Author
