June 22, 2024

Kalaymyo Tanpho khua kahdohnak ah SAC ralkap 3 an thi tiah CDF-KKG nih a thanh

0

The Chinland Post | 2022 August 23 – Kalay peng, Tanpho khua ah SAC ralkap le CDF-KKG karlak ah kahdohnak voihnih a chuak i SAC ralkap 3 an thi tiah CDF-KKG nih a thanh.

Kalay peng, Yanaunggyi khua sakhaan in SAC ralkap 13 an vah lioah Tanpho khua pawngah CDF-KKG he August 22 ah kahdohnak a chuak.

August 22 zinglei sml 8:10 tiang kahdohnak a chuak i SAC ralkap 2 an thih hnuah Yangyiaung khua ah an kir ṭhan.

Cu hnuah, SAC ralkap pawl an raa ṭhan i CDF-KKG, CNDF (Vakok), CNDF (NA), PDF-Kalay, RKDF le mipi vengtu phu pawl fonh in an kah ṭhan hna.

Cu kahdohnak ah SAC ralkap a thimi an um ṭhan.

Kahdohnak chungah mipi hriamtlai phu lei in a thimi le hliam a tuarmi an um lo tiah CDF-KKG nih a thanh.

About The Author

Na ruahning rak langhter ve.. (Leave a comment)