Kalewa peng Masein palek sakhaan PDF nih an lak

The Chinland Post | 2022 September 20 – Sagaing ramṭhen, Kalewa peng, Masein khuate palek sakhaan cu Kalewa PDF nih an luh hnawh hna i an kah hna caah SAC palek 7 nak tlawm lo an thi i hriam tampi an lak khawh tiah PDF-Kalewa nih September 20 ah a thanh.

September 18 zinglei sml 6:05 hrawngah Kalay pengkomh PDF battalion 9 a si mi PDF-Kalewa nih SAC palek sakhaan an lak khawh tiah an thanh.

Kahdohnak chungah SAC palek 7 an thi i a zaam mi palek pawl zong an i hliam tiah a langhter.

Sakhaan cu an khangh i PDF chungtel pawl him tein an kir kho tiah theih a si.

Cu sakhaan lak kahdohnak chungah G3 zuun 5, Uzi zuun 2, M79 launcher zuun 1, kuthlonh bomrap 3, 7.62 kuan 297, Uzi kuan 149, 125 cycle 4, pehtlaihnak seh 2, walky talky 3, phone 10, phone tunnak 1, laptop 1, tangka bawm 2, tangka 13,000ks, kut khihnak 2, suiṭhi kual 1, Bag 1, zaal 3, namte 1 hna an lak khawh tiah theih a si.

Cu kahdohnak ruangah mipi pakhat a thih caah PDF-Kalewa zong nih nawlnak ca an thlah.

Na ruahning rak langhter ve.. (Leave a comment)

%d bloggers like this: