Kalewa peng Sinaima khua kahdohnak ah pyusawhtee 5 an thi
![](https://i0.wp.com/thechinlandpost.info/wp-content/uploads/2023/01/Mingin-PDF.jpg?fit=640%2C482&ssl=1)
The Chinland Post | 2023 January 27 — Sagaing ramṭhen, Kalewa peng, Sinaima khuate ah SAC ralkap le pyusawhtee phufonh nih hmunhma an khuarnak sakhaan cu PDF phu pawl nih January 20 zaanlei sml 3:00pm ah an kah hna tiah Mingin Battalion 04 sin in thawng theih a si.
Cu kahdohnak ah pyusawhtee 5 an thi i PDF phu lei in hriamtlai 1 a nunnak a liam ve tiah thawng theih a si.
“Sinaima khua ah SAC ralkap le pyusawhtee 70 hrawng an um. Kanmah lei nih a naih tein kan kah hna, kaphnih karlak kahdohnak hi sml 3 hrawng a rau i pyusawhtee 5 an thi, kanmah lei hriamtlai pakhat a nunnak a liam ve” tiah Mingin B04 rianngeitu nih Mizzima ah a chim.
Kahdohnak chung ah Mingin Battalion 04, Student’s Revolution Force, Kalay pengkomh B14, B15 le cuka hmunhma hriamtlai phufonh nih an kah hna hi a si.