Kan tlaihmi Matupi peng Panaing khuapa cu kan thah cang SAC ralkap nih biaceih zung an thanh

The Chinland Post | 2022 September 6 – Matupi peng ah CDF-Matupi he pehtlaihnak na ngei tiah July 28 ah an rak tlaihmi Panaing khua nuva hna pahnih chungin an pa cu a luancia August 23 ah kan thah cang tiah SAC ralkap nih biaceih zung thawng a thanh tiah theih a si.

A luancia July 16 ah Matupi hrambunh Infantry 140 in Major Than Naing Win CDF-Matupi nih an rak thahnak kong he pehtlai in SAC ralkap nih mipi 6 an rak tlaih hna.

“Biaceih zung nih kan chungkhar thawng an kan thanh. U Thang Naw cu a luancia August 23 ah kan thah cang tiah an chim, a nupi belte cu an thlah ṭhan, inn ah ṭhutpinak zong ṭha tein kan tuah ngam lo” tiah mithi chungkhar pakhat nih Mizzima ah a chim.

SAC ralkap nih an thahmi pa nih fa pathum a tantak hna i upabik hi India ram lei ah a um tiah theih a si.

Atu Matupi khua ah SAC ralkap nih an tlaih hna i biaceih zung ah chuahpi loin Byu-Ha chungah an thahmi hna 4 hrawng an um cang i cu chungah Ngalai khua in Pastor pakhat zong aa tel tiah theih a si.

Na ruahning rak langhter ve.. (Leave a comment)

%d bloggers like this: