Kani ah lungthin ngandam lomi telhin nu 7 SAC ralkap nih a bu in an tlaihhrem hna

The Chinland Post | 2022 September 6 – Sagaing ramṭhen, Kani peng ah SAC ralkap nih Kani hmunhma khuate 2 in thinlung a ngandam lomi pakhat telh in nu 7 cu an tlaihhrem hna tiah Kani hmunhma dothlennak ah a cawlcangtu Ko Pyae Aung nih Khit Thit ah a chim.

A voikhatnak thilsining ah August 17 ah nu pakhat SAC ralkap nih a tlaihhrem i a voihnihnak ah August 28 khua dang ah nu 6 an tlaihhrem hna.

Khuami hna a tlaihhremtu hi khoikha battalion in SAC ralkap pawl dah an si cu a fiang in an thei hna lo nain ralkap thuam le ralkap cazin a telmi catlap an hmuh.

Khuami hna nih an chimnak ah Pyin Oo Lwin in an si tiah an chim bantukin cu catlap chungah Captain Than Win Aung, Dep. Corporal Naing Lin U, Than Moe, Tha Sein Maung, Corporal Zaw Lwin Oo, Kyaw Htun Win, Ye Myo Lwin, San timi min in gate a hngak ding min cazin catlap an hmuh.

Khuahnih in tlaihhrem a tongmi hna hi kum 30 leng le 40 leng nu pawl an si tiah Ko Pyae Aung Naing nih a fehter.

Na ruahning rak langhter ve.. (Leave a comment)

%d bloggers like this: