SAC hruaitu Min Aung Hliang le Russia President Vladimir Putin tonnak an ngei lai

The Chinland Post | 2022 September 6 – SAC hruaitu General Min Aung Hliang le Russia President Vladimir Putin cu Russia ram, Vladivostok khua ah an tuahmi EEF ah an i tong lai.

September 7 ah tonnak an ngei lai tiah SAC biachimnak nawl a ngeitu nih a fehter ko nain adang thil a fiang tein zeihmanh theih a si lo.

Russia ram Media nih cun President Putin nih SAC hruaitu telh in sawm a simi ramdang khual pawl Armenia Prime Minister, Mongolia Prime Minister, Chairman of China National Public Network Standing Committee hna he biaruahnak an tuah lai i SAC hruaitu he adang tein tonnak zong an ngei lai tiah a chim.

President Putin nih a sawmmi hna ramdang khual pawl he adang tein tonnak an ngeih tikah ramchung le ramhnih kong ruahnak an i cheu lai tiah Russia ram Media nih a chim.

SAC hruaitu General Min Aung Hliang cu Russia cozah nih a hruaimi EEF Forum sawmnak in Forum kai dingah Vladivostok khua ah a luancia September 4 ah a phan cang.

Na ruahning rak langhter ve.. (Leave a comment)

%d bloggers like this: