Kanpetlet Peng Ah Siangngakchia 6 Le Hringtu Nu Pakhat Ti Nih A Fenh Hna

City Hunter| 2018 June 8| Chin ramkulh thlanglei Kanpetlet peng, Tikung khua ah sianngakchia 6 le hringtu nu pakhat, an zapi minung 7 cu June 7 zanlei sang ah ti nih a fenh hna tiah kan theih. 

Thil a cangning cu Tikung khua in sianglairun siangngakchia zanlei sianginn an tin lio suimilam 3:30 hrawng ah a si. Tiva ti a lianh tuk caah hringtu nu pakhat nih ngakchia hna cu tiva tiang a va don hna. Cuti a va don hna nakah hringtu nu tel in siangngakchia 6 cu ti nih a fenh hna. Hi tiva cu Chauhchawng a si i hlei a um lo tiah theih a si.

Ti nih a fenhmi 7 lakah ngakchia pathum cu a nung in an hmuh, chanh khawh cang hna. Hringtu nu pakhat le siangngakchia pathum cu atu tiang an hmu kho rih hna lo. Ngakchia pathum cu pa pathum le nu pakhat an si. Hringtu nu telh in innchungkhar pakhat an si. Ti nih a fenhmi pali cu khuami nih atu hi an kawl cuahmah lio hna a si.

Ti nih a fenhmi chungkhar le ngakchia hna cu a herhmi bawmhchanhnak pek khawhnak ding ah Kanpetlet khuapi um Red Cross phu le CYO mino hna nih chawva tlawmhalnak an tuah i Tikung khua tiang kal in an va bawmh hna lai tiah Kanpetlet Red Cross phu le Kanpetlet CYO phu sin in theih a si.
Ref: Vakok Voice

Na ruahning rak langhter ve.. (Leave a comment)

%d bloggers like this: