SAC ralkap 2 CDF-Kanpetlet sin ah CDM an tuah

The Chinland Post | 2022 September 26 – Chin ramkulh, Kanpetlet peng ah riankhinh a simi ralkap Nay Thu Aung le ralkap Van Ding hna cu CDF-Kanpetlet sin ah hriam tling he CDM an tuah tiah theih a si.

Ralkap Nay Thu Aung le ralkap Van Ding nih CDM tuah kan duh ko tiah CDF-Kanpetlet sin ah pehtlaihnak an tuah i CDF-Kanpetlet nih an va don hna i tangka laksawng an pek hna hnu ah himnak hmun ah an kuat hna tiah CDF-Kanpetlet nih September 26 ah a thanh.

CDM a tuahmi ralkap pahnih nih an pum lawng si loin G3 zuun 1, MA2 zuun 1, G3 kuan bawm 2, MA2 kuan bawm 4, G3 kuan 28, MA kuan 346 le kuan khamnak 1 an rak i put chih tiah CDF-Kanpetlet thawngthanhnak in theih a si.

Na ruahning rak langhter ve.. (Leave a comment)

%d bloggers like this: