Karen ‘Martyrs Day’ tuah ruang ah hruaitu pahnih an tlaih hna
Salai Tluangkipthang — A kum 70 tlinnak Karen miphun Martyrs Day an tuah ruang ah hruaitu lutlai pahnih cu nawlngeitu nih an tlaih hna tiah Irrawaddy nih a tial.
Karen miphun caah nunnak a pemi Saw Ba Gyi le a dang nunnak a pe cangmi vialte philhlonak cu Yangon khuapi i Bandula Pangpangpar Dum ah an tuah. Cu hmun ahcun, Karen miphun caah nunnak a pemi vialte upatpeknak, zuunngeipar chiahnak tbk. in an tuah tiah theih a si.
Hi Karen miphun caah nunnak pemi philhlonak an tuahnak hmun ah, a ralaimi 2020 rampi thimnnak ah Karen Affair Minister caah a zuam dingmi Naw Hla Hla Soe, Naw Ung Hla le Mann Than Win Oo zong nih an telpi hna i, upatnak an pek hna tiah theih a si.
Karen miphun Martyrs Day hi cozah nih tuahmi Covid-19 zulhphung ning tein, zing sml. 8 in chun sml.2 tiang tuah ding in timhtuahmi a si ko nain, 11:30 ah cozah nawlngeitu nih an khenkham hna lawng silo in, an hruaitu lutlai pahnih an tlaih hna tiah theih a si.
About The Author
