Karenni Kahdohnak Ah SAC Ralkap 8 An Thi Chap
The Chinland Post | 2023 April 20 — Karenni ram, Demoso peng, Dawngekhu khuate in Bawlakhe khua ah a kal mi SAC ralkap pawl cu April 19 chun ah mipi hriamtlai phu nih an kah hna i 8 an thi, 1 an tlaih khawh tiah KnlC nih a langhter.
April 19 chun sml 1:00pm hrawng ah SAC Infantry 80 le KA, KNDF B21 phufonh hna karlak ah kahdohnak a chuah hi a si i SAC ralkap mawṭaw 1 zong an hrawh khawh leng ah meithal zuun 6 le kuan cheukhat zong an lak khawh tiah an langhter.
April 16 le April 17 ah SAC ralkap le Karenni phufonh hna karlak ah kahdohnak a fak i SAC ralkap sin in hriam tampi zong an chuh khawh hna tiah theih a si.
About The Author
