Mekanel Hmunhma Ni 2 Chung Kahdohnak Ah SAC Chungtel 24 An Thi

0

The Chinland Post | 2023 April 20 — Karen ram, Myawaddy peng, Mekanel hmunhma ah April 18 le 19 ah kahdohnak a chuak i ni 2 chung ah SAC ralkap 24 an thi, 23 hrawng an i hliam tiah Cobra Column nih a thanh.

KNU Brigade 6 hmunhma, Mekanel hmunhma ah ah KNLA, Cobra Column, Kyathitnet, Federal Wings, Golden Eagle le Yaungni PDF phufonh hna le SAC ralkap Infantry 275, LIB 355, Infantry 102, Infantry 207 le BGF 1019 hna karlak ah kahdohnak a chuah hi a si.

Cun April 19 zaanṭim zong ah SAC ralkap nih hriamngan an kah bu in an rak luh caah zinglei sml 6:00am hrawng ah PDF pawl he kahdohnak a chuak ṭhan.

Cu kahdohnak pawl chung ah SAC lei 20 an thi i 18 an i hliam tiah Cobra Column nih a thanh.

Kahdohnak chung in MA-1 zuun 1, MA-2 zuun 1, MA-3 zuun 1, 60MM, kuan 500 leng le adang thilri tampi an la khawh tiah Cobra Column nih a thanh.

Kahdohnak chung ah SAC nih vanlei kahdohnak voi 5 nak tlawm lo an tuah caah Cobra Column hriamtlai 1 a nunnak a liam.

About The Author

Na ruahning rak langhter ve.. (Leave a comment)

%d bloggers like this: