Karenni Ramkulh Leichung Thilchuak Khualipi Tiah Auh Mi Mawci Khua Cu Mipi Ralkap Nih An Lak
The Chinland Post | January 28, 2024 — Karenni ramkulh, Phasawng pengkomh leichung thil chuak a tamnak khualipi a si mi Mawci peng cu mipi ralkap nih an lak cang tiah theih a si.
Karenni ramkulh le Karen ramkulh ramri ah a um mi Mawci khua ah SAC ralkap sakhan 2 umnak tlangcung Kyaukkyar sakhan, khua luhnak no. 2 sakhan cu mipi ralkap nih January 27 ah an lak caah Mawci ah SAC ralkap sakhan a um ti lo.
“Karenni le Karen ramri, Mawci umnak sakhan 2 cu lak a si. Hlan SAC sakhan a rak um mi zong an rak chuak tak cang i ralkap sakhan lian 2 lawng a tang mi cu January 27 ah mipi ralkap nih an lak. Atu hi ralkap sakhan le pawngkam thianhnak an tuah lio a si, SAC ralkap nih sakhan an tlik tak” tiah Mipi ralkap nih Yangon Khit Thit ah a chim.
Mawci peng hi Karenni-Kayah ramkulh Bawlakhe peng thlanglei ah a um mi leichung thilchuak a tamnak hmun khualipi tiah min pek mi a si. Mawci khua cu Loikaw khua in tlanglei meng 93 aa hlatnak ah a um i rili a sannak pe 4,000 lei ah a um mi leichung thilchuak ခဲမဖြူ၊ အဖြိုက်နက်၊ ခနောက်စိမ်း ti mi mansung thil chuahnak hmun a si.
About The Author
