Loikaw, Demoso, Bawlakhe, Mobe, Phekhon Hmun Um SAC Sakhan An Lak, Ywarthit Peng ,Mawci Peng, Le Mese Peng Pawl Mipi Ralkap Nih An Lak Dih
The Chinland Post | January 28, 2024 — Karenni ramkulh, Loikaw, Demoso, Siadaw, Bawlakhe le Shanram thlanglei Mobe le Phekon peng um SAC ralkap sakhan 20 nak tlawn lo cu mipi ralkap nih an lak i Ywartit peng, Mawci peng le Mese peng pawl cu a dihlak in kan lak dih cang tiah KNDF lei nih thawngthanhnak an tuah.
2023 kum dongh lei ah Karenni hriamtlai bu nih 11.11 Operation an thawk hnu in Loikaw, Demoso, Mobe peng um SAC sakhan 20 an lak khawh. Loikaw hrambunh Regional Operation Command- ROC ဒကစ zong an kulh cang, 2024 kum January in Phekon hrambunh Military Operation Command –MOC စကခ(၇) lei um Luaipatta, Kunsun, Kakinkung sakhan 3 zong mipi ralkap nih an lak cang.
January zarhthumnak, 2024 kum ah Bawlakhe pengkomh um Ywarthit peng le Bawlakhe peng karlak um 12 mile kung SAC ralkap sakhan cu Karenni ralkap nih an lak, Ywartit peng cu mipi ralkap uknak tang ah a tla, Siadaw peng um SAC ralkap sakhan a dihlak in an lak khawh, khuachung Phaya kung a um mi SAC ralkap cu an kah cuahmah lio a si tiah theih a si.
Atu lio Karenni ramkulh, Mese pengkomh cu Karenni ralkap bu nih an lak dih hnu ah Karenni ramkulh peng kip ah raldohnak a fak chin hlei ah Shan-Karenni ramri Hsi Hseng peng tiang kahdohnak a um.
Karenni ramkulh, Hpasawng peng Mawci hrambunh ralkap sakhan, check gate, sakhan kung vialte cu SAC ralkap nih kahdohnak um lo tein an chuah tak dih caah Mawci peng vialte cu Karenni mipi ralkap uknak tang ah a tla cang.
Shan ram thlanglei Hpekon peng, Mobe peng, Hpekon peng chung ah Karenni mipi ralkap nih kahdohnak an tuah, khuachung le khualuhchuahnak vialte an lak dih cang, Hpekon le Mobe peng um SAC ralkap peng le khuachung cu an uk kho ti lo i battalion pakhat te lawng sakhan chung ah an um tiah Khit Thit media sin in theih a si.
About The Author
