Kawkareik khua ah kahdohnak a fak i SAC nih tank a hman

The Chinland Post | 2022 August 18 – Karen ram, Myawaddy pengkomh, Kawkareik peng ah August 17 zaanlei sml 50:00pm hrawnghrang thok in SAC ralkap lei nih tank pawl hman ding tiang in kahdohnak a fak tiah theih a si.

Kawkareik peng khuathar, Kamaikone khuate hna ah SAC ralkap le KNLA, PDF phufonh hna karlak ah kahdohnak a chuak i SAC ralkap nih thazang tampi in kahdohnak  tuah tiah theih a si.

SAC ralkap pawl cu hriamngan, tank le machine gun phortu mawṭaw hna hmang in khuate lei ah hriamngan an kah i khuami a hliammi an um lengah himnak hmun ah an zaam tiah theih a si.

A luancia August 15 zongah KNLA, PDF phufonh hna nih Kawkareik khua pengkomh palek sakhaan, peng palek sakhaan le bank a hngakmi pawl hmakhat te ah an kah hna i pengkomh palek bawi telh in 12 an rak thi i 2 an rak tlaih hna.

Na ruahning rak langhter ve.. (Leave a comment)

%d bloggers like this: