Vanlawng in kan rak in kah hna lai tiah ralkap nih CDF an tlerh hna
![](https://i0.wp.com/thechinlandpost.info/wp-content/uploads/2022/08/SAC-vanlawng_web.jpg?fit=640%2C426&ssl=1)
The Chinland Post | 2022 August 18 – Vawlei ah ke in a kalmi ralkap pawl hmang in kahdohnak a tuahmi a tlamtling lo caah ralkap nih vanlawng bochannak in kahdohnak a tuah mi pawl kha hmuh khawh a si chin thluahmah. Falam le Mindat peng kahdohnak hna zongah vanlawng pawl hmang kahdohnak a rak tuah.
“Ral veve kan si ko nain pehtlaihnak kan tuah lengmang. Atu lio hrawng hi vanlawng in kan in kah hna lai tiah an kan tlerh lengmang” tiah CDF-Matupi ralkap nih Zalen ah a chim.
A hlan Matupi peng zongah vanlawng in zohfelnak tuah le ralkap mawṭaw pawl an himnak zong a lakpiak hna tiah a chim.