Kawkareik Peng Kahdohnak Ah Ralkap Captain Telh In 4 An Thi, 15 An I Hliam
The Chinland Post | 2023 November 2 — Karen ram, Kawkareik peng, Kawnuai khuate ah a cang mi kaphnih karlak kahdohnak ah ralkap lei Captain 1 telh in 4 an thi, 15 an i hliam tiah Saw Dragon Drone Force nih October 28 ah thawng an thanh.
Kawnuai khua, Asia lam cung ah a um mi sianginn chung ah hmunhma a khuar mi ralkap 30 leng cu Saw Dragon Drone Force, White Dragon, White Tiger le KNLA B18 phufonh pawl nih October 28 chun sml 2:44pm hrawng ah an kah hna.
Kahdohnak cu cu ni chun sml 2:44pm in 4:44pm tiang sml 2 leng a rau i ralkap lei nih hriamngan, meithal hna he an doh ve ko hna nain kahdohnak chung ah mipi hriamtlai phufonh lei an him tiah theih a si.
About The Author
