Thlakhat Chung Ah Chin Miphun Nu Pakhat Telh In Nu 12 An Thah Hna
The Chinland Post | 2023 November 1 — Vawlei tang phum mi bomrap lamh sual ruang ah a thi mi Chin miphun nu pakhat telh in Myanmar ramchung October thlakhat chung ah SAC ralkap nih thah ruang ah nu 12 an thi tiah Burma Women’s Union (BWU) nih October 31 ah thawng a thanh.
Cu chung ah nu pakhat hi an tlaih lio ah a thi i adang pakhat hi Falam peng, Zawnglei khua pawng ah October 18 zinglei ah ramlak ah an kal lio ah bomrap aa lamh sual i a thi mi a si.
October 1 in October 26 tiang Yangon, Mandalay, Magway, Bago, Sagaing le Mon ram hna ah nu 10 thongthlak an tong tiah BWU a ṭial. Ralkap nih hramhram in uknak an lak hnu thawk in October thla tiang ah nu 628 an thi cang tiah a langhter fawn.
2021 February 1 in 2023 October 26 tiang ralkap nih phungning lo in tlaih mi nu 3,232 chung ah 668 cu sualphawt an si cang.
Atu langhter mi cazin hi AAPP nih a khawmhsuat mi a si i a taktak dirhmun ah an tam deuh kho tiah BWU nih a chim.
Hramhram in uknak lak a si hnu thawk in October 31 tiang mipi 4,162 an thi cang i hlat cuahmah lio mi thah a tong mi 500 hrawng an um tiah AAPP nih a thanh.
About The Author
